जपानांत 21 भूंयकांपाक लागून विध्वंस जालो
जपानांत 21 भूंयकांपाक लागून विध्वंस जालो, 34 हजार घरां काळखांत बुडलीं, आतां सुनामीचो धोको आसा. दर्यादेगेवेल्या वाठारांनी आशिल्ल्या अणुकेंद्रीय वीज प्रकल्पांत कसलीच अनियमितताय जावंक ना अशें जपानाच्या अणुकेंद्रीय प्राधिकरणान सांगलां. तशेंच फुकुई प्रांतांतल्या कांसाई इलॅक्ट्रीक पॉवरच्या ओही आनी ताकाहामा अणुकेंद्रीय वीज प्रकल्पांतले पांच सक्रिय विक्रियक हांचो आस्पाव जाता. सोमारा जपानांत 90 मिनटां भितर 4.0 वा ताचे परस चड रिक्टर प्रमाणांत 21 भूंयकांप जाले. भूंयकांपाची तीव्रता रिक्टर प्रमाणांत ७.६ अशी मेजली. दर्यांत व्हड ल्हारां आयले उपरांत देशाच्या वायव्य दर्यादेगेवेल्या वाठारांत सुनामीची शिटकावणी दिल्या आनी हांगाच्यान लोकांक भायर काडपाचें काम सुरू आसा. जपानाच्या हवामान खात्यान इशिकावा प्रांतांतल्या नोटो शारांत व्हड सुनामी जावपाची शिटकावणी दिल्या, जातूंत सुमार 5 मीटर उंचायेचेर ल्हारां येवपाची शक्यताय आसा. माळ भूंयकांपा उपरांत 34 हजार घरांक वीज पुरवण बंद जाल्या. मध्य जपानांतले जायते मुखेल म्हामार्ग बंद करचे पडले कारण भूंयकांपाक लागून रस्त्यांचेर व्हड फटीं पडलीं. फुकुई प्रांतांतल्या उजो पालोवप...